...Siáu lo darrièr, alevat l'assassin, probable, de l'aver vista en vida Danièla. E en fòra de Lucian, pas degun o sap aquò. Mai, es que podrai escondre lòngtèmps aquesta messòrga ? "Escota-me, Nicòla, l'enfant de puta que l'a estranglada, a Danièla, ieu lo me vòli trobar. Pas rèn estènt qu'ara ne son a sospechar tot lo monde, e mai tu, e mai ieu, e mai d'autres... Non, mai bòrd que l'aimavi Danièla, qu'i teniáu fòrça fòrça... Benlèu fòrça mai que çò que cresiáu..." Mai, mei paraulasvan per de verai amb lei sentiments qu'aviáu ? Ara, de segur. Mai avans ? E adonc, çò que disi, es pas una ùena de justificacion que me butarà a lo cercar, l'assassin ?