Documents sonòrs de l'Institut d'Estudís Occitans Fàcia 1 - l'Enfant polit - la pel - lo sang del Drac - la bèla Esteleta Fàcia 2 - La bèla Esteleta (seguida) - la Montanha Negra Se sap, ara, que Bodon trabalhèt a escriure los Contes del Drac de 1941 à 1962. Aquels contes los teniá de sa maire, nascuda a la Ribièra comuna de Mirandol-Bornhonac e l'edicion se faguèt en 1975. Entretemps, en 1964, una vesprada de Setembre, Bodon acceptèt de parlar d'aque- les contes e de ne dire l'essencial dabans lo public occitanista d'un estagi pedagogic de l'Institut d'Estudis Occitans a La Sala. La crespina volguèt que la serada siaguèsse enregistrada sus monhetofon e que l'enregistrament siaguèsse bon tecnicament. Es aquel enregistrament (degut a J.-M. Petit) que publicam uèi. Entre una presentacion inedita e de digressions dins lo biais gostós de Bodon om trobarà la version orala o « oralisada »> de: L'Enfant polit, La Pel, Lo sang del Drac, La bèla Esteleta, La Montanha negra. Coma se compren, la version orala seguís pas çò que Bodon aviá escrich dos ans abans. Es un autre texte, fonsament diferent qu'avèm aquí e que nos torna un Bodon en libertat, tal que los que l'an conegut lo reconeisseràn. Un Bodon dins son seriós e dins son rire, dins sa simplesa e sa complexitat. E per en dessús, l'escrivan meravil- hós que nos parle atraversabt los mites nòstres per melhor nos agachar cara a cara...