Aqueste Precís de gramatica d'occitan ancian recampa çò que cal saber de l'occitan ancian per legir los trobadors, los romans e las nòvas, mai tanben los autres tèxtes occitans de l'Edat Mejana coma los tèxtes administratius. Lo cambiament màger, en mai d’una brèva istòria de la lenga de las originas a nòstres jorns, es l'apondon d'una part importanta consacrada a la fonetica istorica : dins un estudi menimós, rigorós e inedich, Maurici Romieu estúdia lo caminament dels fonèmas e lor evolucion desempuèi lo latin fins a l'occitan ancian. I trobaretz tanben una descripcion de la morfologia dels noms, adjectius, articles, pronoms e dels vèrbs e un estudi de la sintaxi. Amb carta de l'occitan auèi, bibliografia e indèx dels tèrmes lingüistics. Pels estudiants, los amoroses de nòstra lenga mas tanben, per exemple, pels amators de toponimia, un obratge que los autors an volgut pedagogic, simple, clar e de bon consultar per tal que la descobèrta e l'aprendissatge de la lenga occitana foguèsson pus agradius e pus eficaces. Enfin, cambiament pus vesedor d'aquesta edicion novèla, l'ensemble es en occitan lengadocian.